العالم - حوادث
فقد كانت جهاد في قمة سعادتها أثناء حفل زفافها، وكانت ترتدي فستانها الأبيض، لكن القدر كانت له ترتيبات وخطوات أخرى، حيث سقطت جهاد مغشيًا عليها، وبعد نقلها إلى المستشفى كانت المفاجأة الحزينة، فقد فارقت جهاد الحياة بفستان زفافها الأبيض، وفي ليلة العمر التي كانت تحلم بها.
وقالت ولاء عبد الفتاح: "دي جهاد اللي فرحها كان امبارح.. وهي في فرحها أغمى عليها فجأة وراحت في غيبوبة وماتت! في لحظة انتقلت من ليلة العمر لنهاية العمر، من فستان الفرح للكفن!!..
الموت مش بعيد عن حد، النَفس اللي بناخده مش ضامنين هنرجعه زفير تاني ولا لأ دعواتكم ليها بالرحمة ولأهلها بالصبر.. اللهم أحسن خاتمتنا ولا تقبض أرواحنا إلا وأنت راض عنا ونعوذ بك من موت الغفلة.. الواحد بقى مرعووب من فكرة الموت.. ربنا يصبر أهلك.. عروسة في الجنة".
وعلقت مروة مجدي "يا رب على الأخبار اللي توجع القلب.. ربنا يرحمك يا حبيبتي ويصبر جوزك"، وردت ميار حسام: "يا حبيبة قلبي الله يرحمك ويصبر أهلك وجوزك.. كان مكتوب لها تتجوزه عشان يبقو مع بعض في الجنة".
وقال إيهاب جلال: "دي صاحبة زوجتي ومعاها في كليه تربية جامعة المنيا"، وأضاف عبده الوحش: "الله يرحمها أنا كنت في الفرح بتاعها جوزها أستاذ مؤمن ربنا يكون في عونه وعون أهلها".
ورد طارق المهدي: "يا جدعان الفرح بتاع أستاذ مؤمن عندنا في المنيا مركز سمالوط والعروسه فعلا ماتت وربنا يرحمها".
وعلقت توتي أوتي: "على فكرة جهاد فرحها كان يوم الخميس مش الجمعة جهاد من محافظة المنيا مركز سمالوط"، وتابعت أنوشا عادل: "اللهم أجرنا من موت الغفلة في ساعة الغفلة.. إنا لله وإنا إليه راجعون".
المصدر : فيتو
120