العالم - نبض السوشيال
وكانت كاميرات المراقبة رصدت جزءا من لحظات العنف والبلطجة التي أودت بحياة "محمد عادل" الشهير بـ "بامبو" حيث تلقى ٨ طعنات نافذة في مناطق مختلفة من جسده، 6 طعنات في بطنه وظهره وطعنتين في المنطقة السفلية كانت كفيلة بسقوط الضحية غارقًا في دمائه أمام أعين زملائه وسكان المنطقة كما ظهر بفيديو كاميرات المراقبة.
الغريب بالواقعة أنه عندما حاول سائق توك توك مساعدة محمد عادل الغارق في دمائه بإيصاله إلى أقرب مستشفى.. استوقفه أحد المتهمين بقتل محمد عادل وقاموا بالمشاجرة معه حتى لا يتمكن من إنقاذ حياة الطالب المسكين.
بداية اكتشاف الجريمة عندما تلقت قسم عين شمس بلاغا بمقتل شاب أمام معهد المطرية على يد 3 آخرين لاذوا بالهرب عقب ارتكابهم الجريمة. وتبين من التحريات وجمع المعلومات أن القتيل طالب بمعهد المطرية "21 سنة" ومقيم بعين شمس، نشبت بينه وبين 3 متهمين بمحيط المعهد مشاجرة تطورت قام خلالها أحدهم بتمزيق جسده بمطواة ولاذوا بالهرب، ليسقط الشاب وسط بركة من الدماء، وتم نقله إلى مستشفى المطرية العام. وتمكن رجال المباحث من تحديدهم وضبطهم من خلال أحد الأكمنة التي أعدت لهم، وأصدرت النيابة قرارها المتقدم.
وقررت النيابة العامة، حبس المتهمين في واقعة مقتل الطالب على ذمة التحقيق، على أن يراعى التجديد لهما. ووجهت للمتهمين الثلاثة تهمة القتل مع سبق الإصرار والترصد، فيما صرحت بدفن الجثة وتسليمها لذويه.
كما وجه شقيق المجني عليه رسالة لمتابعي الهاشتاج "#عاوزين_حق_محمد_عادل" وقال "ساعدوني يا جماعة وصلوا الحادثة لقضية رأي عام علشان حق أخويا مش هيروح على الأرض... وعند الله تجتمع الخصوم" وقال "Amira Adel" في تغريدة على حسابه الخاص "ساعدوني يجماعه وصلو الحادثة لقضيه راي عام علشان حق اخويا مش هيروح ع الأرض... وعند الله تجتمع الخصوم... #عاوزين_حق_محمد_عادل".
وقال "موسى" في تغريدة على حسابه الخاص، "نطالب بحق محمد عادل والموضوع كله في يد سيادة النائب العام الرجل المحترم الذي يراعى الحق ويناصر اهله نطالب بتطبيق العدل على القتلة محمد، الله يرحمه مطعون اكتر من ٦ طعنات في ظهره هذا قتل عمد وايضا مع سبق الاصرار والترصد نطالب بتطبيق العدل ربنا يصبر اهله امين.. #عاوزين_حق_محمد_عادل".
وجاء في تغريدة لحساب "SH EKO" "كلاكيت تاني مره من سنه كان محمود وحاليا محمد نفس الوجع نفس الصدمه نفس الجريمه نفس الحقد نفس الخيانه نفس الغدر ونفس ونفس ونفس ونفس وادينا عايشين في مصر لنا الله حسبي الله ونعم الوكيل #عاوزين_حق_محمد_عادل #حق_البنا_يحقق_عدل".
وكتب "عامر انور "في تغريدة على حسابه الخاص "#عاوزين_حق_محمد_عادل بجد انا قلبي بيتقطع يعني كلة في عز الظهر نفس اللي حصل مع البنت واللي اتقبض عليهم المفروض اعدام فين الدوريات اللي بتمشي ولا هي بس بتطلع وتملي الشوارع ساعت الانتخابات".
ورأى "احمد جمال" "لاي مدي وصلت ادميتنا لما يستنوه عشان يمثلوا بيه هل بقينا في قانون الغاب والبقاء للاقوي؟! ربنا يرحمه ويصبر اهله #عاوزين_حق_محمد_عادل".
وقال Abdallah Omar "في تغريدة له "محمد شاب زي اي شاب عاوز يتعلم ورايح معهده وقفوله تلت بلطجيه بيخدو اتاوه من المعهد والطلبه كلها بتشتكي منهم وعلشان هوا راجل ومقبلش انه دا يتعمل معاه راحو طعنوه ٧ طعنات ووقفو قدام التوك توك علشان يموت وميروحش #عاوزين_حق_محمد_عادل".
وكتب "mansour" في تغريدة له "محمد شاب زي اي شاب عاوز يتعلم ورايح معهده وقفوله تلت بلطجيه بيخدو اتاوه من المعهد والطلبه كلها بتشتكي منهم وعلشان هوا راجل ومقبلش انه دا يتعمل معاه راحو طعنوه ٧ طعنات ووقفو قدام التوك توك علشان يموت وميروحش #عاوزين_حق_محمد_عادل".
"دياب المصري" طالبت بدماء المغدور وقالت في تغريدة على حسابها الخاص "#عاوزين_حق_محمد_عادل هو لازم حد يموت ويتقطع ويضحي بعمره عشان الشرطه تتحرك. ولا لازم تعيش جبان في بلدك عشان الفرده والاتاوه والعافيه شغالين.. لو في رادع وقانون مش هنسمع كلمه بلطجي وسلملي علي الفن اللي نشر الفساد في البلد رمضان وامثاله... مصر شدي حيلك اللي جاي اوسخ".
ونشر "Omarsedik" صورة للشاب الضحية وعلق عليها "الضحكة دي راحة ضحية على ايد بلطجية وعالم غدارة غدرو بيه وعايزين حقة يجي بالقانون يتقتلوا زي ما قتلوه الله يرحمك يا حبيبي وحسبي الله ونعمل الوكيل في الكلاب دول وحقك هيجي #عاوزين_حق_محمد_عادل".
وقال "Mohamed Altmamy" في تغريدة على حسابه الخاص "الى حصل مع الشاب ده ممكن بكره يحصل معاك انت او انتى علشان ميحصلش تانى ويكونو عبره لغيرهم لازم القصاص لازم قلب والدته المحروق عليه ووالده الى كان مسنود عليه لازم يشوفو حق ابنهم وهو بيرجع #عاوزين_حق_محمد_عادل"
ونختم الوسم مع تغريدة اخرى لشقيق المغدور قال فيها "Amira Adel" الغدارين البلطجيه القتلوك ياخويا ربنا يحرق قلوب اهلهم زي محرقو قلوبنا وقلب ماما عليك #عاوزين_حق_محمد_عادل".
