العالم - نبض السوشيال
المغردون دشنوا وسم (هاشتاغ) "#القطار_المكهرب_لكل_المصريين" الذي وصل سريعا الى قائمة الوسوم الاعلى تداولا، وتساءلوا عن جدوى إنشاء قطار كهربائي بهذه التكلفة الكبيرة في وقت تحتاج السكك الحديدية التي يستخدمها المواطن البسيط لـ10 مليارات جنيه لإصلاحها.
كما انتقدوا هذا الاتفاق مشيرين الى انه كان من الافضل تخصيص تلك المبالغ لتحسين القطاعات المختلفة وخاصة الصحة في ظل ارتفاع اعداد الاصابات بفيروس كورونا. واعتبروا أن إعلان المشروع هدفه الترويج للرئيس المصري عبد الفتاح السيسي، في وقت يشكو فيه من عدم توفر 20 مليار جنيه مطلوبة للقاحات فيروس كورونا. فيما ايد البعض هذا الاتفاق واعتبروا انه مشروع هام سيعود بالنفع على البلاد.
وكتبت "مليكة" في تغريدة لها عبر حسابها على تويتر : " إنشاء قطار كهربائي بتكلفة 23 مليار دولار.. حدش قلك إننا فقرا أوي. ايوه إحنا فقرا أوي أوي.".
وغرد "احمد طارق" قائلا : "أي ده هو كل المصريين بقوم قاعدين في العين السخنة والعلمين خاليكم واضحين وبلاش لف دوران وقولوا أن القطار المكهرب هيخدم فئة معين من المصريين وهم فئة Vlp من الجهات السيادية وأسرهم ورجال الأعمال إلى أخره الخ الخ".
فيما كتب صاحب حساب باسم "كهربائي تويتر" : " البيقول #القطار_المكهرب_لكل_المصريين اي مصريين تقصد المش لاقى مستشفى يتعالج فيها ولا المش ملاحق على فواتير الكهرباء والماء والغاز والتليفون ولا العياله متكدسة فى الفصول هذا القطار الصفوة فقط".
وغرد الفنان المصري عمرو واكد: "لو قولنا إن في وسط الوباء ده إن احنا هنعرف نتصرف في 360 مليار جنيه عشان نصرفهم على سنتين. تختار تجيب بيهم أنابيب أكسجين وترفع كفاءة قطاع الصحة كما ينبغي ولا تختار تعمل قطار بيوصل العين السخنة بسرعة؟ أنت متخيل مبلغ زي ده يعمل إيه في خدمات صحة المواطن البسيط في البلد؟".
وسخر"Samy Ezzat" من هذا المشروع قائلا " تقريبا الريس قال للألمان انا عايز المصريين يفطروا ف السخنة و يتغدوا ف العلمين ".
واعتبر "عاصم" انه كان من الاولى صرف تلك المبالغ على تطوير قطاع الصحة والتعليم الذي يخدم كافة المواطنين وليس شريحة معينة فقط : "#القطار_المكهرب_لكل_المصريين 360 مليار تكلفه القطار المكهرب لو اتصرفو على الصحه والتعليم مش كان يبقا افضل..".
وغردت "ebtesam farouk" : "احنا مش عاوزين قطار احنا عايزين مستشفيات ادميه احنا عايزين مدارس نظيفه واماكن للعيال بدل ما فيه عيال بتقعد علي الأرض مشاريع وفرص عمل للشباب العاطل احنا عايزين تطوير للسكه الحديد وكل دا كان ممكن اتعمل بالقروض اللي اتخدت وقطار مالوش لازمه".
فيما ايدت "rola elkashef" تنفيذ هذا المشروع واعتبرت انه سيكون بداية جديدة لقطاع المواصلات في مصر : "انا اتوقع ان السيسي مش هيوقف على قطار كهربائى واحد اكيد دى بداية لنوع جديد من المواصلات فى مصر".
وكتب "Hossam Mostafa" : "#القطار_المكهرب_لكل_المصريين القطر هيخدم نقل ركاب و بضايع ما ببن البحر الاحمر و البحر الابيض".
واعتبرت "Aya Fahmy" : "السيسي بيعمل قناة سويس برية حديدة ".
