ونشر غبرة على صفحته الشخصية الفيس بوك هذه المناشدة :
أطالب الحكومة السورية بجميع وزرائها وبما فيهم وزير الإعلام وكافة الافرع الامنية والسياسيين في هذا البلد بأن يعتبروني واحداً من جبهة النصرة أو قائد فصيل في الجيش الحر أو مسلح قتل وخرب أو أي إرهابي ترونه مناسباً.. لا فرق ..ويسمحوا لي بتسوية وضعي والعودة إلى حضن الوطن أسوة بمن عاد إلى دفئه وحنانه اللامحدود.. والعودة لمزاولة مهنة المتاعب في الإعلام ببرنامج "استديو الخدمات".
يا جماعة اعتبروني متل فراس الخطيب اللي رجعتوه لمزاولة نشاطو بشكل طبيعي، ع الأقل أنا ما رفعت العلم الأخضر أبو تلات نجوم ولاسافرت ولاجمعت تبرعات ولاعملت ولاسويت!
معقول مثلاً لأن فراس الخطيب ما بيشكل خطر ع كراسيكم بينما أنا عم تشوفوني عم اكشفكم وهالشي خطورة ع مناصبكن وكراسيكم! .. هي أنا رضيان تساووني بأي إرهابي ع ذوقكون (إن وُجِد)... أو إذا بتحبو بغير طريقة اعتبروني مثلاً ابن وزير العدل السابق اللي لما كان ع رأس عملو بصفتو وزير تطبيق القانون والحقوق (العدل) دعس تنين عساكر وطلع فوقن، وطالعتوه منها متل الشعرة من العجين.
يا شباااااب والله عيب ولك عييييييب، مهزلة
ليس تنازل مني عن اي مبدأ، أنا كما أنا، وسأبقى، وخادماً عند أي فقير محتاج في هذا البلد، ولكن صرت حس أنو أي حدا من داعش، الحكومة بتعاملو أحسن مني!
يرضى القتيل وليس يرضى القاتل.
المصدر: فيس بوك
106-10